Монголчууддaa хүргэх үг

Ард түмнийх нь банк дампуурах шахсан болохоор тэрнийгээ янзлах, бас бус нэн чухал хэрэгцээ шаардлагын үүднээс 3 тэрбум дойлуур манайхыг нээх сонирхож хардаггүй хэн нэгнээс түр ч юм уу бүр ч юм уу нууцлаг хугацаагаар, бас нууцлаг болзолтойгоор зээлж аваад ядарсан хэдэн ард түмнээ өөд нь татах гэж байна. Би хэлээгүй юу. Энхрий хайрт төр засаг минь үгүй бол бид чинь яанам билээ гэж...

Манай хэдэн дуучид хүүхдийн хавдрын эсрэг /ганц хүүхдийг ч аварчих юм бол ерөөсөө тэрнээс илүү юм гэж юу байхав/ сайхан юм хийж байна даа. Манай Банжигийн хэд ч юу дутахав. Ер нь бол хайр халамж үзүүлэх чинь ерөөсөө арай дөмөг нэг нь нөгөө ядарсан нэгэнд зориулан хийдэг л зүйл болохоос төрийн үүрэг биш гэдгийг эхнээсээ ойлгоод ирж байх шиг. Машин яваад өнгөрчихсөн, хүмүүс гарцаараа гарчихсан байхад -За та минь маний нөмөрт хорогдож байгаад гарчихгүй бол дайруулж үхнэ шүү гээд нүдээ аничихаад хашгираад зогсох сүргийн тэргүүн зарим нэг сэлмэн эвэрт, тэрэнд нь хальт үнэмшээд гарцаар гарахгүй нүдээ хагас аниад зогсоод байх хэдийг эс тооцвол Монгол минь учиргүй гялтайх гээд ч байгаа юм шиг сайхан санагдаж байна шүү. Тэгсэн нөгөө ажлын хэсэг нь учиргүй ажлаа хийгээд нөгөө 3ыг нь аваад ирвэл одоо яана аа. За машинд дайруулчих байсан юм байна гэж үнэмшихээс...

Ерөнхийлөгч маань саяхан Үндэсний үйлдвэрлэгчидтэйгээ уулзжээ. Нөгөөдүүл нь ярианыхаа далимд саяын татварын өршөөл энэ тэрээ нэг дахиадхаач. Мань ойлголгүй байж байгаад хоцорчихож. Тэгсэн Ерөнхийлөгч маань юу гэсэн. -Өршөөлд нийт бизнес эрхлэгчдийн 7 хувийг эзэлдэг дандаа татвараа нуудаг байсан хэдэн дурак хамрагдаад дуусчихсан. Хэрэв хариуцлага алдаад үлдэчихсэн бол хариуцлагаа өөрсдөө үүрэх хэрэгтэй. Ер нь бол хариуцлагатай байж сурах хэрэгтэй. Тэрнийг нь ойлгуулахгүй бол одоо болохгүй гээд хэлчихсэн. Тиймээс муусайн татвараа нуудаг байсан гарууд хариуцлагаа өөрсдөө үүр мэдэв үү. Хариуцлага гэж юу байдгийг төрийн тэргүүнээсээ хараад суралц за. 93 хувь нь татвараа үнэнч шударгаар төлөөд ирсэн. За яахав гээд үлдсэн 7 хувьд нь өршөөл үзүүлээд 100 хувь шудрага ил тод бизнесийн орчин бүрдүүлж өгчихөөд байхад давраад ганц дахичих гээд эрүүл бус хариуцлагагүй юм бүү ярь.

Гадны зээлнээс урьтаж дотоод нөөц бололцоогоо шавхах хэрэгтэй. Тэгээд болохгүй бол зээл авна. Хэн ч зээл өгөхгүй бол мөнгөө хэвлээд унана. Тэгээд мэдлэг дуусдаг гэдэг бил үү. За ер нь энэ дараалал хамгийн зөв гэж хэн хэлсэн юм. Араас нь эхэлсэн ч болно. Мөнгөө бол унагаачихсан. Зээл энд тэндээс хайж байхаар нэг мөсөн нэг дороос хангалттай хэмжээгээр авчихья гэнгүүт зэрэгцээд манай үзүүлэлт нэг шат буурчихлаа гэсэн. Ер нь бол хальт амжчихаж байгаан байна. 3 тэрбумаар чинь ч овоо жаалчихнаа. Тиймээс тэр ангилал энэ тэр бол ёстой яршиг л байна. Унаж л байдгийн босч л байдгийн. Хамгийн сүүлд болохгүй бол сайхан Засгийн газар нь бондоо гаргаад, бизнесчид нь хувьцаагаа гаргаад болж л таараа. Хөрөнгийн зах зээл үү. Өө тэр яахав. Содхүүг сайн загнаад болохгүй бол ажлаас нь халчихна. Тэгэнгүүт л манай Элдэв-Очир гялтайгаад явчихна шүү дээ. Болохгүй бол гадна талыг нь сайхан улбар шараар оохордчихно.

Ингэхэд Содхүүгээс болоод хөрөнгийн зах зээл өөдлөхгүй байгаа юм уу. НӨАТатвар гэж нэг шал худлаа шаврын хаалт буруу ажиллад байдаг юм уу. Эсвэл цөөн хэдэн хариуцлагагүй үндэсний үйлдвэрлэгчид элдвийн юмнаас хоцроод байгаа юм уу, бүү мэд.

Мань энд хамгийн сүүлд орж ирээд юу ч хийгээгүй л дээ. Хааяа тэнгэрт гарчихдаг гээд мунхарчихдаг хүн, хаана байгаагаа мэдэхгүй дээдүүл рүүгээ нулимахаар газарын татах хүч үйлчилэхээ больчихоогүй болохоор шүлс нь хаана буух нь ойлгомжтой. Гэхдээ яахав. Эцэст нь ганц үг хэлчихнэ ээ.

-Юу гэхээр, хэдүүлээ нэг зураг зурах юм болцгоосноо улаан, хөх, тас хар будаганд том жижиг багсаа дүрж байгаад учиргүй цацацгаасан. Одоо бүгдийг нь хольж бараантуулж байгаад голд нь жижигхэн цагаан дөрвөлжин зураадахвал "Эхийн цагаан сэтгэл"-ийн боломжийн хуулбар ч юм уу эсвэл ремикс болно биз?...