Монголчууддaa хүргэх үг

Дээхнэ гишүүдэд нэг санал тавьсан чинь хэн ч юм яриагүй.  Ядаж байхад дэмжээд байх хэрэггүй санал байна ч гэж хэлээгүй. Тэгээд сонгууль дуустал хүлээхээс гээд орхисон. Магадгүй зөвхөн гишүүдэд гэсэн болохоор олон хүн нэвтэрч орж хараагүй ч байж магад гээд дахиад тавьчихлаа шүү.

 Тэрнээс гадна энэ блогийг анх нээгдэхэд л би их юм хүлээж дэмжиж байсны хувьд сүүлийн үед зарим нэг хүмсээс гарч байгаа шүүмжлэлийг ч бас бодолцож үзмээр юм байна гэж үзлээ. За эхлээд өмнө нь тавьсан саналаа тэр чигээр нь хуулаад тавьчихья.

""Бодлого. нэгийн тухай. Энэ блогт Бид нэг, энэ блогийн гишүүн, гишүүн бусаас шалтгаалахгүй банжигт бид нэг, Банжигийн гишүүн өөр нетийн гишүүн байхаас шалтгаалахгүй интернетэд бид нэг, ерөөс аль нэг нетийн гишүүн мөн бишээс шалтгаалахгүй интернет уншиж байгаа бид нэг, интернетэд ордог эс ордогоос шалтгаалахгүй монголчууд бид нэг, бид монгол байх өөр үндэстэн байхаас шалтгаалахгүйгээр энэ дэлхийд бид нэгэн хүмүүн төрөлхтөн, магадгүй энэ орчлонд хүн бид НЭГЭН БҮХЭЛ, За ёстой МАНГАР ТОМ БОДЛОГО  аваа хаячлаа. Бид хүн рүү хэзээ ч чулуу шидэхгүй гэдэг зарчимтай гээд ойлгоцон, тэрнийгээ тодосгож байгаан шүү. Хаа хүртэл нэг гэж боджийно тэр хэрээрээ бас том байж чадна энэ тэр гэх гээд ч байж магад. Би биш БИД гэхээрээ тийм болно гэж ойлгож байгаа байхаа. Тэрнээс гадна чулууг хэн нэг хужаа руу ч шидэхгүй. Хужаа хүн, хужаа бодлого хоёрыг жаахан ялгаж харцгаая ч гээд байгаан.

Зорилгоо жаахан тодруулья, -Энэ дэлхий ертөнцийн үйл хэрэгт Монголчууд бид тэргүүлэн оролцох болно.  Ямрав. Яахав дээ жаахан том юм бодож явбал ядаж замынхаа талд хүрч юуны магад. Ер нь яагаад болохгүй гэж, Монголчууд хувь хүнийхээ хувьд юу дутацийн, ямар хүний олноор хүн барьдаг биш. Асар том алсын зорилготой, тэгээд БИД ЧАДНА гэсэн уриатай, тэрэндээ итгэлтэй, тэгээ л болчийшд. Хугацаа хамаагүй ээ, хэзээ нэгэн цагт, гэхдээ хурдан бол сайн

Зохион байгуулалт, Нэгэнт блог юм чинь блогоо жаахан төгөлдөржүүлвэл ямрав. Блог томрохийн хэрээр зохион байгуулалт хоцрогдоод байх шиг.  Энэ блогийнхоо цаана дамжиж ордог тус тусдаа блог байж болдгийм уу. Мэддэг чаддагууд нь жаахан анхаарна уу. Ер нь бол шошгонуудаа эмх цэгцтэй, жаахан үр бүтээлтэй, нэг асуудал нээлттэй үлдсэн бол шийдэлд хүртэл нь үргэлжлүүлэх боломжтой байхын тулд, Боловсрол, Байгаль орчин, Төрийн бүтэц, ... гэх мэтээр ортол тус тусдаа дахиад Судалгаанууд, хэлэлцүүлэг, санал асуулга, уриалга, үйл ажиллагаа гэх мэт жаахан цэгцтэй үргэлжилдэг болгож болох уу.  Зохион байгуулалт дотоод асуудал гэжийгаад яг энэ блог өөрөө ямар байдалтай, зохион байгуулалттай байх талаар нухацтайхан, яаралгүйхэн санал гаргацгаагаад нэг мөр тогтонгуутаа, хэн хийх вэ яаж хийх вэ гээд шийдчүүл яасын бээ,

Тэрнийгээ хийчүүл цаашаа стратеги тактик зорилт энэ тэр гээд хэлэлцээд явчихын биш үү. Тэгээд үргэлж нээлттэй, нээлттэй байна гэдэг нь туйлбаргүй гэсэн үг биш, харин алдаагаа амархан засаад байх гэсэн утгаар, За бас дээхнэ нэг хэлжийсан хэдийгээр ангилаад бүлэглээд байлаа ч хоорондоо холбоотой цогц, хүнд ойлгомжтой зураг гэдэг утгаараа дээш нь шүүж гаргаад нэгтгэдэг, бүр хэт халиад тасраад, мөн зарчмаас хазайгаад гэж үзвэл бөөгнүүлж байгаад нэг тийш нь болгож байдаг гэх мэт, эдгээрээ хэрэгжүүлэх журам мурамаа энэ дотроо бас хэлэлцээд өөрчлөөд явдаг энэ тэр за тэгээд анхаарал тавьсанд баярлалаа, та бүхэн хүсвэл цааш нь үргэлжлүүлнэ үү гээд орхичий,""

За тэр үед бараг сар гарангийн өмнө нэг ийм санал байсан юм байна. Миний ойлгож байгаагаар энэ талаар юу ч хийгээгүй, магадгүй хэн ч хийх байсан юм бүү мэд, за мэдлээ гээд тэгж байх зав, сэтгэл ч хаана байсан юм. Тэгснээ сая болохоор бид нар бие биен рүүгээ харин ч нэг чулуу шидэж алдацгаав биш үү. Мэдээж зөв тийш нь шидсэн зөв чулуу ч байсан л биз. Хамгийн гол нь зөв буруу байхаас шалтгаалахгүйгээр чулуу шидвэл зөрүүлээд чулуу л ирдэг болохоор одоо энэ санал дээр эргэж ярилцвал ямар вэ. Бид өөрсдөөсөө эхлэе. Нэн түрүүнд зохион байгуулалтаа, блогоо жаахан өөд нь татацгаая тэгэх үү.

Одоо эргээд харахад нэг их худлаа том том зорилт тавьчихаад л зохион байгуулалт нь тэрнийхээ хаана нь ч хүрэхгүй. Хэн нэг гишүүн өөрийнхөө санааг бичлэг болгоод оруулахаар яг энэ зохион байгуулалттай холбогдоод хэрүүлийн алим хэдийгээр энэ блог дээр биш ч энэ тэнд бий болоод байвал бид тэгсгээд зогсчих байх даа гэж бодлоо. Би өмнөх бичлэгээ тэр чигээр нь шахуу хуулчихсан болохоор зассангүй. Үүнээс хойш дуудлагаараа ядаж энэ блог дээр бичихгүй байхаар шийдсэн шүү, бусдыгаа хүндэтгэх үүднээс.

За би ичихгүй өөртөө нэг эрх аваад үүрэг хүлээчихье. Яг энэ доор зөвхөн зохион байгуулалтын санал авна. Хэт хальсан юм байвал шууд устгаад явчихна  шүү.

За бараг эв эе хичээхгүй бол буудна шүү гэх дайны юм болчихоогүй байгаа гэж найдав.

Аа тийм, бусад админуудад энэ саналд зохиогчийн эрх байхгүй. Энэ бол зөвхөн дотоод асуудал гэж үзээд хүсвэл далд хийж болно. Хүсвэл устгаж арай ч болохгүй ээ. Сэтгэгдэл дээр боломжийн гэж үзмээр зүйл байвал тодосгох зорилгоор араас нь залгуулаад наачихсан ч болно шүү.