Монголчууддaa хүргэх үг

Гэмгүй иргэдийгээ алаад зогсохгүй тушаал биелүүлсэн цагдаагийн албан хаагчидаа өөрсдийнхөө нэр хүндийг хамаагалахын тулд өргөст торны цаана суулгахаар болсон нь хүн чанараа гээсэн амин хувиа хичээсэн үйл явдал болж байна гэж хувьдаа би дүгнэлээ. Далласан газар нь ил гарч далайсан газар нь далд орж явдаг цагдаа цэргийнхэнээ дэмжиж тусладаггүй юм аа гэхэд ''Чи миний үгэнд орж хүн алсан уу'' ''Би тушаал өгч буй нь ямар хамаатай юм, чи биелүүлээ биз дээ'' гэсэнтэй ижил утгатай мэдэгдэлийг өнөөх л С. Баярын засгийн газар дахин гаргалаа. Хэдхэн хоногийн өмнө С. Баяр, цагдаагийн газрын даргын үүрэг гүйцэтгэгчтэйгээ хамт хэвлэл мэдээлэлээр яриад л бичээд л "Бид буудаагүй ээ" гэж хэлэн ард түмэнээ доромжилоод байгаагүй билүү? Тэгж хэлснийх нь төлөө би ч бас блогтоо ''Буудсан уу? буудаагүй юу? ...... Доромжилол уу? Элэглэл үү?'' нэртэй бичлэг бичиж байсан билээ, одоо юу болов, яагаад гэнэтхэн нүүрээ хувиргав, шудрага байж сур л даа
      Oдоо нөгөө хэд чинь ''Бид буудаагүй ээ биш харин буудсан гэхдээ буудах тушаал өгөөгүй'' гэж гүрдэж байгаа сурагтай, ард түмэнээ хэд хэдэн хувилбараар асар муухайгаар доромжилох юм аа энэ улс төрчид. Ард түмэн маань тушаал биелүүлсэн цагдаа нартай бус харин тушаал өгсөн бусармаг улс төрчидтэй тэмцмээр байна бас тушаалын гар хөл бусармаг амьдралын эх үүсвэр болж буй албан байгууллага, хууль сахиулах газрын дарга сайд нартай ширүүн хурц тэмцэх цаг болжээ. Өнөөдөр Монголын цэрэг цагдаа гартаа бүрэн барих зэвсэггүй ч Монголынхоо төлөө тэмцэж байна, Монголын цэргийн албан хаагчид, Косово, Сери Лион, Ирак, Афганистанд энхийн алба хааж эх ороныхоо нэр хүндийг өндөрт өргөсөөp явна гэвч Монголын төр, цэрэг эрсээ энэ мэтээp доош нь чангааж байсанаас биш дээш татаад хүндхэн амьдралтай цагдаа цэрэгтээ ганц өрөө байр өгчихөж байсан нь лав дуулдаагүй. Анхнаасаа л ер нь яах гэж онцгой байдал зарласан юм, онцгой байдал зарлах нь зөв байсан юм бол буудаж болохгүй гэдэг тушаалын ерөнхийлөгч өөрөө ТВ-ээр өгөх нь яaсан юм бэ? Ард иргэдийнхээ өмнө гарч ирээд, уурласан бухимдсан ард иргэдээ тайвшируулахын оронд С. Баяр дарга та нуугдаж байгаагүй билүү? Хүндийг нь үүрч хүчитний өмнө дуугүй зүтгэдэг цагдаа цэргээ өөрийнхөө улаан нүүрний өмнөөс гяндан, шоронгийн хаалга татуулахаа боливол яaсан юм бэ? Ниргэсэн хойно нь хашгирав гэгчээр, өнгөрсөн хойно нь бид буудаагүй, буудах тушаал өгөөгүй гэж нэг хэсэгтээ биеэ хамгаалж байгаад одоо болохоор өөрсдийнхөө хийсэн хэргийн оронд тушаал биелүүлсэн цагдаа цэргийг шоронгийн хаалга татуулхаар боллоо. Энэ чинь шудрага нийгэм үү? Иймэрхүү нийгэмийн төлөвшил улс төрийн хүрээнд бий болгож буй МАХН болон дарга С. Баяр нь миний өмнөх бичлэгүүдээр шаардаад байсан ''Уучлаарай'' гэдэг үгийг хэлэх цаг болжээ. Ерөнхийлөгч ч гэсэн ард түмэнээсээ уучлалг гуйх ёстой, хүнд хэцүү байдал дунд ард түмэнээ хамгаалах ёстой төрийн тэргүүн өөрийн баруун зүүн гар болсон улс төрчидөө хамгаалан жирийн иргэдээсээ уучлалт гуйж чадахгүй байгаа нь өнөөгийн улс төр ямар ялзарсан өмхийрсөн байгааг бэлхэнээ илтгэнэ. Нүгэл нь нүдээрээ гарч хэзээ нэгэн цагт зөв буруугийн гэсгээл хоёр нүүрт улс төрчидийг ниргээсэй билээ. Гартаа галт зэвсэг бариагүй ард иргэдрүүгээ автомат буугаар галлачихаад бид буудаагүй гэж гүрдсэн улс төрчид одоо дахин нэг хэлмэгдүүлэлтийг цагдаа цэргийн байгууллагын хүрээнд явуулахаа болъёо!! арай дэндэж байгаа юм бишүү дээ. Ард түмэнээ доромжилж ханаагүй юу МАХН, Засгийн газарын гишүүд, С. Баяр сайд, эрхэм ерөнхийлөгч өө? Энэ доромжилол гүтгэлэг өдөөн хатгалаг, хуурамч царайгаа хэзээ та нар болих юм бэ? Уучлалт гуйгаад ухаантайгааp суудалаа өгчих сэтгэлийн болон улс төрийн хариуцлага, ёс суртахуун, болон хувийн соёлыг та нар хэзээ сурах юм бэ? Ард түмэнээрээ хичнээн их, хичнээн удаан тогломоор байна?