Монголчууддaa хүргэх үг

ганц нэг хүмүүсийн хүсэлтээр энэ бичлэгийг дахин ачаалав. Харж байхад хүмүүс намайг өөрөө яг яасныг их сонирхож байгаа юм шиг байна.

Нэгэнт хүн бүхэнд тодорхой учир тайлан тавихад татгалзах зүйлгүй.

За ЭХЛЭЕ... Зээ миний бие өөрийн хэдэн цөөхөн хэдэн бор юмаараа 2008 оны 11 сарын 14нд айвонхоу хувьцааг нэгжийн үнэ 1.87 доллар болоход 1000 ширхэгийг, 12 сарын 15нд мөн 2.06 болсон үед 300 ширхэг, мөн сарын 20 нд 3000ширхэгийг нийт 4300 ширхэг хувьцааг нийт 9100 орчим долларт авсан. Яг өнөөдрийн байдлаар сүүлчийн хаалтаар 7.45 доллараар энэ хувьцааг зарахад бусад зардлыг хасахад 30000 орчим доллар болж чадна. Миний хувьд одоо зарах бодолгүй яагаад гэвэл Монгол Парламент Айвонхоу-г албан ёсоор гэрээний дагуу үйл ажиллагаа явуулах болоход энэ үнэ дор хаяж 20 хувь өсөх бүрэн боломжтой.

ene 2008 onii 11 sariin 17 nii  huuchin bichleg bolno

Сонирхлын үүднээс мэргэжлийн бус юмыг сараачаадхий. Энд бичвэл арай олон хүнд хүрэх болов уу гэж мунхаглав.

Яг одоо хаа сайгүй санхүүгийн хямрал гээч зүйл нүүрлэж, бүх зүйлд сөрөг нөлөөлж байгаа ч гэсэн хэвийн байх энгийн үед олдомгүй боломжийг бидэнд олгож байна. Эхнээс нь санаанд орсноо түүгээд түүгээд явчихья.

-Санхүүгийн хямрал түүхий эдийн үнийг огцом бууруулсан. Шатахуун түлш, Хоол хүнсний үнэ гээд л бас л таашаалтай байгааз дээ тээ. За тэр ч яахав. Дээрх хямралаас шалтгаалан түүхий эдийн гигантуудын хувьцаа шалан дээр бууж ирсэн. Хамгийн ойр бидний мэдэх жишээ бол Айвонхоу Майнз этгээдийн нэгж хувьцааны үнэ 2 доллар хавьд л эргэлдэж байна. Цагтаа 20 доллараас дээш байсан хувьцаа байгаа юм. Айвонхоу Майнз бол мэдээлэл авахад хамгийн ойр,мэдрэхэд боломжтой тийм обьект учраас жишээнд аваад байгаам шөө. Санхүү, хөрөнгийн зах зээл гэхээр дан ганц энэ компаниар төсөөлөөд байж болохгүйг маниасаа илүү мэдэх байлгүй.

За эндээс бид санхүүгий болоод хөрөнгө түүхий эдийн ирээдүйг аль болох оновчтойгоор, бодитойгоор төсөөлөх ёстой.

Бидэнд байгаа өгөгдлүүд

-Түүхий эдийн гигант Компаниуд бизнесийн үйл ажиллагаа, төслийг дор хаяж 10-с дээш жилээр төлөвлөдөг. Энэ төлөвлөгөө зорилтонд гарч болох бүх хүчин зүйлийг тооцдог. Өөрөөр хэлбэл санхүүгийн хямрал ч бас багтдаг. Иймээс санхүүгийн хямралаас шалтгаалан тэд нэгэнт хийсэн ажлаасаа буцна гэдэг нь худал өгөгдөл юм. Өөрөөр хэлбэл тэд одоо алдагдалтай ч гэсэн ирээдүйд олох ашгийн төлөө зүтгэх нь гарцаагүй.

-Түүхий эдийн бодит хомсдол, нөгөө талаас дэлхий дахины хязгааргүй хэрэгцээ

Бензинээр жишээ авахад яг одоо хямралаас үүдээд баррел үнэ 50 доллар луу орж ирсэн ч гэсэн энэ бол өсөх нь гарцаагүй. Энэ бол түр зуурийн богино хугацааны үнэ. Зах зээлийн үндсэн хууль болох Эрэлт , Нийлүүлэлтийн зарчимаар зайлшгүй зохицуулагдана. Үүнтэй мөн адилаар мөн удахгүй металлын үнэ өснө гэдэгт итгэж байна. Хямрал боллоо гээд хүн идэж уухаа болихгүй, цахилгаан хэрэгсэлээ унтраахгүй бас машин тэргээ гараждаа тавьчихгүй, хүн амиа хорлохгүй нь тодорхой юм. Иймээс хэрэгцээ хэвээр байна. Дэлхий хүнээ дааж ядаж байна, Ялангуяа урд хөрш маань цадахаа мэдэхгүй МАНГАС хэрэглэгч болж байгаа нь өдөр ирэх тусам мэдэгдэж байгаа. Энэ нь ч хөрш манай орны хувьд ашигтай. Тэд ховдог байх тусам бид тэдэнд өөрт байгаагаа илүү үнэ хүргэх боломжтой. Тэдний хэрэгцээ өмнөх ядмаг хэрэгцээнээсээ хэдийн болиод тансаг хэрэглээ рүү орж байгааг бас мартаж болохгүй.

Иймээс бидний баас ч алт болох цаг ирнэ гэдэг өгөгдөл үнэн байх боломжтой.

Та бүхэн анзаарсан бол энэ санхүүгийн хямралын өмнө хүнсний хямрал болсон доо. Одоо ч үргэлжилж байгаа. Цагаан будаа , тарианы үнэ суга суга өсөөд байсан даа.

Түүний гол шалтгаан нь хятад, энэтхэг айл өрхийн хүнс тэжээлийн өсөлт байсан гэж дүгнэсэн. Тэд өмнө нь шош оо идээд болчихдог байсан бол өнөөдөр цагаан будаа, гурил, махыг өдөр тутмын хэрэгцээндээ оруулж чадсан. Хүнсний хэрэгцээний сагсны үзүүлэлт өөрчлөгдсөн.

-Монголын хууль тогтоох байгууллага ямартаа ч ойрын үед ашигт малтмалын тухай асуудлаа цэгцлэх найдвар байгаа.

Ямартаа ч хөрөнгө оруулагч, тэдний хувьцаа нь энэ хуулиас шалтгаалан хөдөлгөөн орох нь гарцаагүй. Би бодохдоо ямар ч байдлаар хуульчилагдсан ч хамаагүй хувьцааны үнэ өснө гэсэн төсөөлөлтэй байгаа. Өөрөөр хэлбэл Монгол улс тэднийг хөөгөөд гаргачих боломж байхгүй, тэгэхээр тэдний үйл ажиллагааг бодитоор эхлүүлэхүйц тийм эрх зүйг нь бүрдүүлнэ гэсэн өгөгдөл үнэн байх боломжтой.

Гэвч худлаа байлгаж болох бас нэг хүчин зүйл байж болзошгүй. үүнийг жаахан харж байж дараа бичнэ ээ. Хэ хэ мангар муу санаалав. Гэхдээ л 60:40

-Хямралын эсрэг их гүрнүүдийн үйл ажиллагаа үр нөлөөгөө өгч , компани группуудын хувьцааны үнэ өснө гэсэн өгөгдөл үнэн байлгах боломжтой.

Хаа сайгүй хөрөнгийн биржүүдийн индекс байж болох доод түвшиндээ очсон. Ийм байдал нь хөгжсөн орнуудын хувьд ажилгүйдэл, ядуурал, нийгэм улс төрийн тогтворгүй байдлыг бий болгодог. Ийм зүйлийг ямар ч улс орон хүсэхгүй. Иймээс хаа сайгүй бэйлаут хийж байдлыг сайжруулахаар чармайж байна. Бас ч эхнээсээ үр дүнгээ өгөөд зарим нэг биржүүд бага ч гэсэн өсөлт ажиглагдаад ирсэн.

Энэ байдал нь эерэгээр нөлөөлнө , хувьцааны үнийг өсгөж намайг болон та бүхний халаасыг зузаална гэсэн өгөгдөл үнэн гэдгийг батлах боломжтой.

За тэгээд өөр өгөгдлүүд зөндөө байгаа . тэр бүхнийг бичнэ гэвэл миний амралтын өдөр сандал дээрээ дуусчина биз ээ.

Юу хэлэх гээд байна аа гэвэл байж болох доод хэмжээндээ очсон хувьцаануудаас аль болох боломжоороо авч, хувьцаа эзэмшигч болцгоо.

Алдахгүй шүү. Жилийн дараа магадгүй хэдхээн жилийн дараа таны насны хоол ч болох юм бил үү хэн мэдлээ. өндөр хүүтэй мөн тэр хирээрээ өндөр эрсдэлтэй банкинд төгрөгөөр хадгаламж хийж байснаас ядахнаа өөрийн улс дотор үйл ажиллагаа явуулж байгаа дэлхийн хэмжээний компаны хувьцааг аваад сууж байхад илүү зөв алхам байж болох юм. Ядахнаа мэдээлэл авахад арай дөхөм , мэдрэмжтэй байж чадах юм байгаа гэж бодоод байна

Айвонхое Майнз бол нээлттэй хувьцаат компани . ийм тул хэн ч хувьцаанаас худалдан авах боломжтой. Залуусаа нийлж байгаад мэдээллээ хуваалцаад мэдрэмжтэй арилжаа хийх боломжийг бүрдүүлбэл үр ашигтай шөө.

Зөв үү Буруу юу айн