Монголчууддaa хүргэх үг - Шинэ бичлэгүүд

АНУ-с Монголд ачигдсан машины бүх мэдэлэлийг олж өгнө, машин авхад тань туслая!!!!!! ( Yнэгүй )

Tue, 18 Nov 2008 03:32:33 +0800

Хэд хоногийн өмнө найзтайгаа жаахан чаталж суулаа, Монголд машин байрны үнэ буураад үнэхээрийн сайхан байна гэнэ ээ. Найз маань хөөрчихсөн гоё Infinti машин авна гээд л ярьж байна, тэрхүү машин нь АНУ-аас ачигдсан машин бөгөөд зардал татвар энэ тэр нь орсон авч АНУ-д байх яг нэг загварын нэг онд үйлдвэрлэгдсэн адилхан гүйдэлтэй тэрэгтэй ойролцоо үнэтэй зарж байна. Би ч найздаа наад хэд чинь мил-г нь хойш нь гүйлгэсэн юм уу энд осол аваарт орж байсан машин зарж байгаа байх чи надад Вин дугаар буюу үрүүлийн дээр цонхны шилэн дээр байрлах 17 шифир дугаарыг нь бичээд аваад ир, найз нь шалгаад өгье л гэлээ. Машиныг нь эндэх Carfax хэмээх мэдээлэлээс шалгаад үзлээ, он нь адил боловч яг үнэн чанартаа 100000 гаруй явчихсан машиныг хойш нь гүйлгээд 40 хэдхэн мянган мил болгочихсон тун бага явсан дөнгөж АНУ-с орж ирсэн Монголд яваагүй тэрэг гээд зарж байх юм. [...]

Энэ Дэлхий даяар нүүрлээд байгаа санхүүгийн хямрал бидэнд олдсон аз завшаан биш үү

Mon, 17 Nov 2008 01:15:59 +0800

Сонирхлын үүднээс мэргэжлийн бус юмыг сараачаадхий. Энд бичвэл арай олон хүнд хүрэх болов уу гэж мунхаглав.

Яг одоо хаа сайгүй санхүүгийн хямрал гээч зүйл нүүрлэж, бүх зүйлд сөрөг нөлөөлж байгаа ч гэсэн хэвийн байх энгийн үед олдомгүй боломжийг бидэнд олгож байна. Эхнээс нь санаанд орсноо түүгээд түүгээд явчихья.

[...]

Эхчүүдийн нулимсыг урсгасан ”аймшгийн газар”

Fri, 14 Nov 2008 07:19:39 +0800

Хэн нэгний гашуунаар уйлахыг сонсч, харж суухыг хүсэх юм биш ээ. Тиймээс ч, “инээснийг асуу, уйлсныг бүү асуу” гэсэн үг гарсан биз. Ялангуяа эх хүний гомдол цөхрөл, шаналлын нулимс хацар нүүрийг нь даган урсахыг харах шиг хэцүү мөч бий гэж үү. Зовлон зовлонгийн дундаас төрүүлсэн үрээ алдсан эхийн зовлон шиг нь хаа байх вэ.
[...]

Та зөвшөөрч байна уу?

Thu, 16 Oct 2008 11:05:38 +0800

Одоо би АНУ-ын ерөнхийлөгчийн сонгуульд нэр дэвшигчидийн сүүлчийн буюу гурав дахь мэтгэлцээн үзэж байна. Ийнхүү чөлөөтэй ярьж, хийх үйл ажиллагаагаа ард түмэндээ нээлттэй танилцуулж буй нь надад үнэхээр таалагддаг юм. Сүүлийн 18н жил Монголд чөлөөт сонголтын тогтолцоо тогтож эхэлсэн гэж ойлгодог гэтэл Монголд хэзээ ч төрийн түшээд нь чөлөөтэй мэтгэлцэж тэр тусмаа халз ярилцлага явуулж байсангүй. Хамгийн инээдэмтэй нь тэд өөрсдийн төлөөлөгч орлогч нараа явуулж ард түмэнээ доромжилдог билээ. Урьд өмнөх УИХ болон ерөнхийлөгчийн сонгууль болж байхад халз ярилцлага мэтгэлцээн явуулна гээд зарлаад л байдаг гэтэл тэрхүү нэр дэвшигчид нь ажилтай очиж чадахгүй гэж ичих ч үгүй хэлдэгээc гадна ард түмэнээ доромжилж буй мэт өөрсдийн төлөөлөгч орлогч нарыг явуулж тэрхүү эрхэм гишүүн ерөнхийлөгчийн хийх гэж буй ажилыг сонирхосон ард иргэдийнхээ нүүрлүү улаан гараараа алгадаж шүлсээрээ нулимдаг билээ. [...]

Ирээдүйгээ хайралмаар даа

Mon, 29 Sep 2008 11:12:26 +0800

Нэг удаа найз маань утаатай ч гэсэн Улаанбаатартаа ядуу ч гэсэн Эх орондоо би хайртай гэж хэлэхэд нь сэтгэл гонсойгоод хэцүү байж билээ. Нээрэн би Улаанбаатарын хүүхэд, Гандангийн дэнж дээр хөөцөлдөж тоглож, таван шар вокзал дээр чулуугаар байлдаж, зайсан болон төв талбайгаар охидтой болзож, хороололын гудмуудаар холхиж, сансар түнел 13 аар тэнэсэн тэнэмэл хүү би хотын унаган хүү. [...]

Дэлхийн бүх монголчуудаа нэгдэгтүн!!!

Fri, 19 Sep 2008 23:52:48 +0800

Элгэн төрлийн холбоотой

Эрин үеийн монголчуудад

Эх нутгаараа нэгдэхийг

Энүүхэн тунхагаар батлав.

Уриа тунхаг нийтлэгдэж

Уугуул нутагтаа түгээсэй.

Улсынхаа хязгаарыг ч давж

Улам ч эрчимтэй өрнөөсөй.

Үлэмжийн сайхан нутагтай

Үзэсгэлэн төгс байгальтай

Үндэсний ихээхэн баялагтай

Өнөр, баян монголчууд аа

Эрхэс тэнгэрийн ивээлтэй

Эртний Монголын голомт

Эзэн Чингисийн өлгий

Эх нутагтаан нэгдэгтүн

Тав, зургаан хэсэг газраа

Тасарч салсан монголчууд

Тансаг сайхан нутгийнхаа

тахил шүтээнд нэгдэгтүн.

Алдарт монгол орондоо

Аргалын гал дүрэлзүүлсэн

Асар эртний голомтондоо

Ариун сэржмээн өргөгтүн.

Өвөрмонгол овогтнуудын

Өөртөө засах орныхон ч

Өвөг дээдсийн голомтод

Өнө мөнхдөө нэгдэгтүн

Хүннү агсан монголчуудын

Хчийг нэгтгэх уриан дуу

Хүмүүсийн оюун сэтгэлийг

Хөдөлгөн сэргээх болтугай. [...]

Ардчилал Ардчилсан намтайгаа хамт мөхөв!

Mon, 15 Sep 2008 10:34:55 +0800

Ард түмнээ хамгаалдаггүй алуурчин төртэй арав гаруй жил амьдраад бид ядрав, цөхрөв бас гутрав. Ардчилал нь Ардчилсан намтайгаа мөхсөн ардчилалын сүүлийн он жилүүдэд Монголчууд эзэнгүй хоцров. Албан тушаалын төлөө Алтан хараацай нар өөрсдийгөө худалдав, торонд хийв. Монголчуудын төлөө дуугарах дуутай болгоныг шоронд хийв, хорив. Монголчуудыг алж устгаж, авилгадаж, завхаралыг авчирсан улс төрчид улам дээшээ суудал ахив. Хоёр ч МИ-8 онгоцыг сүйрүүлсэн дарга сайд нар шийтгэл хүлээх нь бус эрх чөлөөтэй эрх мэдэлтэй хоцров.

[...]

Ээжээ, би энэ дэлхийд мэндэлмээр байна!

Sat, 13 Sep 2008 07:58:53 +0800

Үр нь хэвлийд нь бойжино гэвч нялх үрээ тэжээж чадахгүй, магадгүй тэжээж чадахгүйдээ ч гол нь биш зүгээр л тэр залуу хайрлана гэчихээд мах цусны тасархайгаа хэвлийд нь орхичихоод л явчихсан. Yзэн ядалт өшөө хорсолоо тайлах эсвэл ирээдүйд амаа ангайх үрээ тэжээж чадахгүй байх зовлон, эцэггүй хүүхэдтэй байхын гутамшигаас салах цорын ганц зам нь мэс ажилбараар хэвлийдээ бойжих үрээ авхуулах. Яах гэж би тэр залууд итгэв ээ, яах гэж түүнд өвөрөө нээвээ, тэр юу ч хийж чадахгүй пацаан, хүүхэд битгий хэл өөрийгөө ч тэжээж чадахгүй. Эцэггүй хүүхэд тээлээ гэж ээж аав уурлана. Тэр ч ажилгүй би ч ажилгүй тэр бид хоёр нийлээд нийгмийн доод давхаргынхан тэгчихээд бид яаж хүүхдээ тэжээх юм бэ? Хамгаалалт хэрэглэх нь яалаа, яагаад жирэмсэн болчихов оо? Би чамд битгий жирэмсэн болчихоороо гэж хэлээ биз дээ, би лав эцэг нь биш шүү, май энэ хэдэн төгрөг, явж авхуулаарай чи! [...]

Yзэл бодолынхоо төлөө зогсож чаддаггүй ард түмэн Эх ороныхоо газар шороон төлөө яаж тэмцэх юм болоо?

Thu, 11 Sep 2008 02:38:48 +0800

Дээхэн үед Монголын аль чадалтай мэдлэгтэй лам хуврагуудыг МАХ яамны харьяа байсан ногоон малгайтангууд их л хүч тавин устгаж байсан гэдэг. Ардчилал дөнгөж дэлбээлж эхэлсэнээс хойш эл муухай гэмт хэргийн талаар шудрага ярьж тэрхүү гэмт хэрэг хэрхэн явагдаж байсан яаж алж устгаж булшилж байсан талаар нь нэгд нэгэнгүй мэдээлэл, мэдэгдэлүүд манай улс төрийнхөн хийж эхэлсэн билээ. Энэ бол мэдээж Ардчилалын нэг том ололт байсан, 50жил гуйгаад сонсоогүй "Уучлаарай'' гэдэг үгийг Ардчилсан төр л гарч ирсэнээс хойш Монголчууд минь төр засгаасаа сонсож, төрийн эрхмүүд нь толгой бөхийн хэлмэгдэгсэдийн хойноос гашуудаж байхыг харсан билээ. Хичнээн түүхийн үнэт дурсгалт зүйлс мөхөж хичнээн олон лам хуврага, жирийн иргэд амиа алдсан баримт тоо Монголчуудад минь бий. [...]

Үнэг, Хэрээ = Төр, Яам

Fri, 05 Sep 2008 08:30:33 +0800

Дэд сайд нарыг авч хаяна гэнэ ээ. Шинэ засгийн газар ажиллах хүчинийхээ тоог цөөлж эдийн засагт асар их нэмэр авчирч байгаа юм гэнэ үнэнг хэлхэд та биднийг сайхан үгээр дахиад л хуурч байгаа юм. 12 яамыг цөөлөөд 8,9 ч болгоно гэнэ үү, иймэрхүү юмыг өнөөх л их хурал, шинэ засгийн газар түлхүү ярьж эхэлж байна. Хүмүүс юмыг жаахан тунгааж бодоосой, 12 яамны 12 дэд сайдын халж хаяснаар төрд хичнээн төгрөгний зарлага хэмнэх гээд байгааг би тооцойтой нь бас төлөвлөгөө юу хээтэй нь хармаар байна. Миний бодолоор энэ бол улс төр, яамдуудыг чөлөөтэй идэх гэсэн нэг намын хийрхэл гэж бодож байна. [...]